ചെവികളില്
കാറ്റിന്റെയീണം പോല്
നഗരത്തിന്നിരമ്പം.
മടിക്കുത്തില്
പകുതി ഊണിനു
തികയാത്ത നാണയത്തുട്ടുകള്.
മുടിയ്ക്കുള്ളില്
വിശപ്പുമാറിയുറങ്ങും
ഈരും പേനും.
ഊരും പേരും മറന്ന പെണ്ണിന്
തല ചായ്ക്കാനിന്നു
പേരറിയാത്ത ഊരിലെ
കടത്തിണ്ണകള് സ്വന്തം.
എന്നിട്ടും, മനുഷ്യ മൃഗങ്ങള്
അഴുക്കു ചാലിന്റെ വക്കത്തും
ഓടുപൊട്ടിയ വീട്ടിലും
കറുത്ത വാവ് തീര്ക്കുന്നു.
No comments:
Post a Comment